你估同我地后住，慢慢梳光头，搽了粉，戴好花，又要扎周致个双脚么！”横纹柴有时落得水多，落得水少，其饭煮得太软、太硬，臧姑就沉吟密咒，好似禀神咁样禀。又骂老龟婆，又骂老狗？。被横纹柴听知，怒曰：“你来咒我吗？”臧姑凸起眼睛曰：“我就咒你，你点样恶法呀！我唔怕你恶，其你打清，然后食饭都做得。”

    话完，即卷起衫袖，扎紧包头带，抽身抽势，装模作样，好似猛虎下山想人肉食。原来臧姑生得又高又大，又肥又壮，又凶又恶。横纹柴见其凶气满面，当时怕了三分，及至臧姑发起威来，横纹柴即走出门外，大声叫苦叫命，圩咁嘈，虾咁跳，话：“唔知乜头路，娶着个的衰家狗，专门制治我。我一生纯善，有邻里所知，何尝有你个的后生咐恶，岂有此理。新妇恶过家婆，你话难唔难呢！”臧姑听闻，置之不理，皆掩口而笑。是晚家婆、新妇企住门口，大闹一常横纹柴咒至三更收功，臧姑偏咒至四更，然后收口。横纹柴知自己斗他不住，忍气吞声。

    诗曰：

    臧姑偏要治家婆，只为家婆恶得多。

    嫩草怕霜霜怕日，恶人自有恶人磨。