儿坐在靠壁高椅上。小红背灯向壁，掩面而哭。阿珠靠小红身傍坐着，慢慢与王莲生说道：“王老爷，耐自家勿好，转差仔念头。耐起初要搭倪先生说明白仔，耐就去做仔十个张蕙贞，优先生也无啥唍。为仔耐瞒仔倪先生末倒勿好哉。倪先生晓得耐去做仔张蕙贞，说难是王老爷倪搭匆来个哉，拨来张蕙贞哚拉仔去哉。”洪善卿不待说完，即拦说道：“王老爷不过昨日夜头来哚张蕙贞搭吃仔台酒二故歇原到该搭来哉唍。”阿珠立起身来，走过洪善卿身傍，轻声说道：“洪老爷，耐是蛮明白来里。倪先生倒要勿怪俚，俚是发极仔了呀。王老爷先起头做倪先生辰光，还有好几户老客人哚。后来搭王老爷要好仔末，有个把客人阿要动气匆来哉了？倪末去请哉唍。王老爷就搭倪先生说：‘俚哚匆来，让俚吸匆来末哉，我一干仔来搭耐撑场面。’王老爷，阿是耐说来哚个闲话？先生有仔王老爷，倒蛮放心请也匆去请哉。难末一户一户客人才匆来哉，到故歇是无拨哉，就剩仔王老爷一干仔哉。洪老爷，耐说王老爷去做仔张蕙贞，倪先生阿要发极？”

    汤啸庵接说道：“难也要勿去说哉。张蕙贞哚末坍仔台哉，王老爷原到该搭来，耐沈小红场面也可以过得去哉。大家要勿说哉，阿是？”

    小红正哭得涕泪交顾，听啸庵说，便分说道：“杨老爷，耐问声俚看：俚自家搭我说，教我生意要勿做哉，条子末扌孝脱仔。我听仔俚，客人叫局也匆去。俚还搭我说，俚说：‘耐少来哚几花债末，我来搭耐还末哉。’我听仔快活煞，张开仔两只眼睛单望俚一干仔，望俚搭我还清仔债末，我也有仔好日脚哉。陆里晓得俚一直来里骗我！骗到我今日之下，索性豁脱仔，去包仔个张蕙贞喤！”说到这里，两脚一跺，身子一掀，俯仰号啕，放声大哭。哭了又道：“俚就要去做张蕙贞，也无啥！我自家想想，衣裳末着完哉，头面末当脱哉，客人末一个无拨哉，倒欠仔一身债。弄得我上勿上，落勿落，难末教我那价喤？”汤啸庵微笑道：“故也无啥那价。王老爷原来里，衣裳头面原教王老爷办得来，债末教王老爷去还清仔，阿是才舒齐哉唍？”

    小红道：“汤老爷，勿瞒耐说，王老爷来里该搭做仔两年半，买来哚几花物事才来里眼睛前头。张蕙贞搭勿到十日天，从头浪起到脚浪，陆里一样勿搭俚办起来？还有朋友叹拍马屁鬼讨好，连忙搭俚买好仔家生送得去铺房间。耐汤老爷陆里晓得喤！”洪善卿插说道：“王老爷也叫瞎说！堂子里做个把倌人，只要局帐清爽仔末是哉。倌人欠来哚债，关客人啥事，要客人来搭俚还。老实说，倌人末勿是靠一个客人，客人也匆是做一个倌人。高兴多走走，勿高兴就少走走，无啥多花枝枝节节唍！”

    小红正要回嘴，阿珠赶着戗说道：“洪老爷说得勿差，‘倌人末勿是靠一个客人’。倪先生也有好几户客人哚，为啥要耐王老爷一干仔来撑场面喤，耐就一干仔撑仔场面，匆来搭倪先生还债，倪先生就欠仔一万债，阿好搭耐王老爷说，要耐王老爷来还嗄？耐王老爷自家搭倪先生说，要搭倪先生还债。只要王老爷真真还清仔，倪先生阿有啥枝枝节节？耐就去做仔张蕙贞，‘客人也匆是做一个倌人’，倪先生阿好说耐啥？故歇耐王老爷原勿曾搭倪先生还歇一点点债，倒先去做仔张蕙贞哉。

    耐王老爷想想看，阿是倪先生来里枝枝节节呢？阿是耐王老爷自家来哚枝枝节节？”说罢，胰了王莲生半日。

    莲生仰着脸，只不做声。洪善卿笑道：“俚哚啥枝枝节节也勿关倪事，倪要去哉。”遂与汤啸庵立起身来。莲生意思要一同去，小红只做不看见，倒是阿金大捺住莲生道：“咦！王老爷，耐阿好去嗄？”阿珠喝阿金大放手，却向莲生道：“王老爷耐要去，去末哉；倪是匆好来屈留耐，就搭耐说一声是哉。

    昨日夜头我搭阿金大两家头陪倪先生坐来哚床浪，坐仔一