我有啥喜嗄？”王阿二接嘴道：“耐算瞒倪阿是？勿可帐倪倒才晓得个哉。”朴斋道：“耐晓得哈喤？”王阿二不答，却转脸向老娘姨道：“耐听俚，阿要惹人气！倒好像是倪要吃醋，瞒仔倪。”老娘姨呵呵笑道：“赵先生，耐说末哉。倪搭勿比得堂子里，耐就去开仔十个宝也匆关倪啥事，阿怕倪二小姐搭俚哚去吃醋？倪倒有几几花花醋哚，也吃勿得陆里搭好唍！”

    朴斋听说，方解其意，笑道：“耐叹说陆秀宝，我只道仔耐哚说我有仔啥生意了恭喜我。”王阿二道：“耐有生意无生意，倪陆里晓得嗄。”朴斋道：“价末陆秀宝搭开宝，耐倒晓得哉。故是张先生来搭耐叹说个唍。”老娘姨道：“张先生就搭耐来仔一埭，以后匆曾来歇。”王阿二道：“张先生是勿来哉。我搭耐说仔罢，倪搭用好包打听来里，阿有啥勿晓得？”

    朴斋道：“价末昨日夜头是啥人住来哚陆秀宝搭，耐阿晓得？”

    王阿二努起嘴来道：“哪！是只狗哉喤。”被朴斋一口啐道：“我要是住来哚末，也勿来问耐哉唍！”王阿二冷笑道：“要勿塔我瞎说哉！开宝客人住仔一夜天，就匆去哉，耐骗啥人嗄！”

    朴斋叹口气，也冷笑道：“耐哚包打听阿是个聋甏？教俚去喊个剃头司务拿耳朵来作作清爽，再去做包打听末哉。”王阿二听说，知道是真情了，忙即问道：“阿是耐昨日夜头匆来哚陆秀宝搭？”朴斋遂将陆秀宝如何倡议，如何受欺，如何变卦，如何绝交，前后大概略述一遍。

    那老娘姨插口说道：“赵先生，也要算耐有主意哚，倒拨来耐看穿哉。耐阿晓得，倌人开宝是俚哚堂子里口谈唍，陆里有真个嗄，差勿多要三四转五六转哚。耐末豁脱仔洋钱，再去上俚哚当水，啥犯着嗄？”王阿二道：“早晓得耐要去上俚哚当水末，倪倒勿如也说是清倌人，只怕比仔陆秀宝要像点哚。”

    朴斋嘻嘻的笑道：“耐前门是匆像哉，我来搭耐开肉后门走走，便当点阿好？”王阿二也不禁笑道：“耐个人啊，拨两记耳光耐吃吃末好！”老娘姨随后说道：“赵先生，耐也自家勿好。耐要听仔张先生闲话，就来里倪搭走走，勿到别场花去末，倒也匆去上俚哚当水哉。像倪搭阿有啥当水来拨耐上嗄？”朴斋道：“别场花是我也无拨，陆秀宝搭勿去仔，就不过该搭来走走。前几日我心里要想来，为仔张先生，倘忙碰着仔，好像有点难为情。难是张先生搬得去哉，也勿要紧哉。”

    王阿二忙即问道：“阿是张先生寻着仔生意哉？”朴斋遂又将张小村现住十六铺朝南大生米行里的话，备达一遍。那老娘姨又插口说道：“赵先生，耐忒啥胆小哉。要勿说啥张先生倪搭匆来，就算俚来仔碰着耐来里，也无啥要紧唍。有辰光倪搭客人合好仔三四个朋友一淘来，才是朋友，才是客人，俚哚也算闹热点好白相；耐看见仔要难为情杀哉！”王阿二道：“耐末真真是个铲头！张先生就是要打耐末，耐也打得过俚唍，怕俚啥嗄？要说是难为情，倪生意只好要勿做哉。”

    朴斋自觉惭愧，向榻床躺下，把王阿二装好的一口烟，拿过枪来，凑上灯去要吸，吸的不得法，焰腾腾烧起来了。王阿二在傍看着好笑。忽听得间壁郭孝婆高声叫：“二小姐。”王阿二慌的令老娘姨去看：“阿有啥人来哚？”老娘姨赶紧下楼。

    朴斋倒不在意，王阿二却抬头侧耳细细的去听。只听得老娘姨即在自己门前和人说话，说了半晌，不中用，复叫道：“二小姐，耐下来喤。”恨得王阿二咬咬牙，悄地咒骂两句，只得丢了朴斋，往下飞奔。

    朴斋那口烟原没有吸到底，也就坐起来听是什么事。只听得王阿二走至半楼梯，先笑叫道：“长大爷，我道是啥人！”

    接着咕咕唧唧更不知说些甚话，听不清楚。只听得老娘姨随后发急叫道：“徐大爷，我搭耐说唱”这一句还没有说完，